துறைநீலாவணையில் கூடைப்பந்தாட்ட மைதானத்துக்கு அடிக்கல்

- க. விஜயரெத்தினம்

அமரர் ஓய்வு பெற்ற அதிபர் சாமித்தம்பி சரவணமுத்துவின் ஞாபகார்த்த கூடைப்பந்தாட்ட திடலுக்கான அடிக்கல் நடும் நிகழ்வு மத்திய விளையாட்டுக் கழகத்தின் ஏற்பாட்டில், துறைநீலாவணை பொது விளையாட்டு மைதானத்தில் அன்னாரது புதல்வர் கிழக்கு மாகாண பண்பாட்டலுவல்கள் திணைக்களத்தின் பணிப்பாளர் சரவணமுத்து- நவநீதன் தலைமையில் இடம்பெற்றது.

4,000,000 ரூபாய் செலவில் அமைக்கப்படவுள்ள விளையாட்டு அரங்குக்கான முதலாவது அடிக்கல்லை, சரவணமுத்துவின் பாரியார் நட்டு வைத்தார்.

இந்நிகழ்வுக்கு முதன்மை அதிதியாக மட்டக்களப்பு மாவட்டத்தின் அரச அதிபர் கே. கருணாகரன், கௌரவ விருந்தினர்களாக களுவாஞ்சிகுடி பிரதேசசெயலாளர் திருமதி வில்வரெத்தினம் சிவப்பிரியா, மேலதிக மாகாணக்கல்விப் பணிப்பாளர் எந்திரி என். சிவலிங்கம், கிழக்கு மாகாண உதவிப் பிரதமசெயலாளர் ஜீ. பிரணவன், லகுகல பிரதேசசெயலாளர் ந.நவநீதராசா, கல்முனை வடக்குப் பிரதேச செயலாளர் ரி.ஜே. அதிசயராஜ் உட்பட பலர் கலந்துகொண்டதுடன், துறைநீலாவணைக் கிராமத்தின் பொது அமைப்புக்களின் பிரதிநிதிகள், பாடசாலைகளின் அதிபர்கள், மத்திய விளையாட்டுக் கழகத்தின் உறுப்பினர்கள் உட்படப் பலர் கலந்து கொண்டனர்.