வெற்றிவாகை சூடிய ரிதிதென்ன இக்ரஹ் வித்தியாலயம்

- எச்.எம்.எம். பர்ஸான்

கோறளைப்பற்று மேற்கு ஓட்டமாவடி கோட்டப் பாடசாலைகளுக்கிடையில் நடைபெற்று வரும் கோட்டமட்ட விளையாட்டுப் போட்டியில்,  கிரிக்கெட்டில் ரிதிதென்ன இக்ரஹ் வித்தியாலயம் சம்பியனாக வெற்றிவாகை சூடியுள்ளது.

ஓட்டமாவடி அமீர் அலி பொது விளையாட்டு மைதானத்தில் செவ்வாய்க்கிழமை (28) நடைபெற்ற வாழைச்சேனை அந்நூர் தேசிய பாடசாலையுடனான இறுதிப் போட்டியில் வென்றே ரிதிதென்ன இக்ரஹ் வித்தியாலயம் சம்பியனானது.

ஐந்து ஓவர்களைக் கொண்ட இப்போட்டியில் முதலில் துடுப்பெடுத்தாடிய ரிதிதென்ன இக்ரஹ் வித்தியாலயம், ஐந்து ஓவர்களில் ஒரு விக்கெட்டை இழந்து 70 ஓட்டங்களை பெற்றுக் கொண்டது.

பதிலுக்கு 71 ஓட்டங்களை வெற்றியிலக்காகக் கொண்டு  துடுப்பெடுத்தாடிய அந்நூர் தேசிய பாடசாலை, ஐந்து ஓவர்களில் 5 விக்கெட்டுகளை இழந்து 64 ஓட்டங்களையே பெற்று ஆறு ஓட்டங்களால் தோல்வியடைந்தது.