14 ஆயிரத்துக்கும் அதிகமான கண்காணிப்பாளர்கள்

ஜனாதிபதி தேர்தலை முன்னிட்டு, ஐயாயிரத்துக்கும் அதிகமானோரை பெப்ரல் அமைப்பு ஈடுபடுத்தவுள்ளதாக

அதன் நிறைவேற்று பணிப்பாளர் ரோஹன ஹெட்டியாராச்சி தெரிவித்துள்ளார்.

கண்காணிப்பாளர்களுக்கான பயிற்சிகளை ஓரிரு நாட்களில் நிறைவு செய்வதற்கு நடவடிக்கை எடுத்துள்ளதாக அவர் கூறியுள்ளார்.

இதேவேளை, இம்முறை ஜனாதிபதி தேர்தலில் 2 ஆயிரம் கண்காணிப்பார்களை ஈடுபடுத்தவுள்ளதாக தேசிய தேர்தல்கள் கண்காணிப்பகம் கூறியுள்ளது.

கெபே அமைப்பை பிரதிநிதித்துவப்படுத்தி 7 ஆயிரத்து 500 கண்காணிப்பாளர்கள், கண்காணிப்பு நடவடிக்கையில் ஈடுபடவுள்ளதாக கெபே அமைப்பின் நிறைவேற்று பணிப்பாளர் அஹமட் மனாஸ் கூறியுள்ளார்.

இந்த நிலையில், ஜனாதிபதி தேர்தல் கணக்காணிப்பு பணிகளுக்காக 14 ஆயிரத்துக்கும் அதிகமான கண்காணிப்பாளர்கள் ஈடுபடுத்தப்படவுள்ளமை குறிப்பிடத்தக்கது.