அஹங்கம கடலில் மறைந்த இந்திய இளைஞன்

அஹங்கம கடலில் நீராடச் சென்ற 18 வயதுடைய இந்திய இளைஞன் ஒருவன், நீரில் மூழ்கி உயிரிழந்துள்ளதாக அஹங்கம பொலிஸார் தெரிவித்துள்ளனர்.

குறித்த இளைஞன் உள்ளிட்ட குழுவினர் இலங்கைக்கு சுற்றுலா மேற்கொண்டு வந்திருந்த நிலையில், அஹங்கம கடலில் நீராட சென்றுள்ளனர். இதன்போது, இந்த இளைஞனும் மற்றுமொரு யுவதியும் கடலலை இழுத்து செல்லப்பட்டதில் நீரில் மூழ்கியுள்ளனர்.

பின்னர், பிரதேசவாசிகள் ஒன்றிணைந்து அவர்கள் இருவரையும் மீட்டுள்ளனர். எனினும், குறித்த இளைஞனை அஹங்கம கொன்னகாஹேன பிரதேச வைத்தியசாலையில் அனுமதித்த பின்னர் உயிரிழந்துள்ளதாக பொலிஸார் குறிப்பிட்டுள்ளனர்.