இந்தியாவின் புதுச்சேரியில் இன்று வாக்குப்பதிவு

இந்தியாவின் புதுச்சேரி சட்டப்பேரவைத் தேர்தல் இன்று  நடைபெறவிருக்கும் நிலையில், வாக்குப்பதிவுக்காக வாக்குச்சாவடிகளுக்கு வாக்குப்பதிவு இயந்திரங்கள் நேற்று  அனுப்பி வைக்கப்பட்டன.

புதுவை சட்டப்பேரவைத் தேர்தலுக்கான வாக்குப்பதிவு இன்று  வியாழக்கிழமை காலை 7 மணி முதல் மாலை 6 மணி வரை நடக்கிறது. இதற்காக மாநிலம் முழுவதும் 30 தொகுதிகளிலும் மொத்தம் 1099 வாக்குச்சாவடிகள் அமைக்கப்பட்டுள்ளன.

தேர்தலில் 34 தேசிய கட்சி வேட்பாளர்கள், 63 மாநிலக் கட்சி வேட்பாளர்கள், 80 பதிவு செய்யப்பட்ட அங்கீகரிக்கப்படாத வேட்பாளர்கள், 117 சுயேச்சை வேட்பாளர்கள் என மொத்தம் 294 வேட்பாளர்கள் களத்தில் உள்ளனர். (a)