இறுதியாக உயிரிழந்தவர்கள் தொடர்பான தகவல்

இலங்கையில்  கொரோனா வைரஸ் தொற்றால் மேலும் 32 மரணங்கள் பதிவாகியுள்ளதாக அறிவிக்கப்பட்டுள்ளது.

சுகாதார சேவைகள் பணிப்பாளர் நாயகம் அசேல குணவர்தன நேற்று (23) இதனை உறுதிப்படுத்தியுள்ளதாக, அரசாங்க தகவல் திணைக்களம் தெரிவித்துள்ளது.

அந்த வகையில் தற்போது அறிவிக்கப்பட்டுள்ள 32 மரணங்களுடன், இலங்கையில் இதுவரை 1,210 கொரோனா வைரஸ் தொற்று மரணங்கள் பதிவாகியுள்ளதாக, சுகாதார சேவைகள் பணிப்பாளர் அறிவித்துள்ளார்.

நேற்றைய தினம் 5 பேரும், ஏப்ரல் 23 - மே 22 வரை 27 பேரும் மரணங்கள் பதிவாகியுள்ளதாக அறிவிக்கப்பட்டுள்ளது.

ஏப்ரல் 23 - ஒருவர், மே 17 - ஒருவர், மே 18 - ஒருவர், மே 19 - 04 பேர், மே 20 - 10 பேர், மே 21 - 05 பேர், மே 22 - 05 பேர், மே 23 - 05 பேர் இவ்வாறு உயிரிழந்துள்ளனர்.

இவ்வாறு மரணமடைந்த 32 பேரில் 14 பேர் ஆண்கள், 18 பேர் பெண்கள் என அந்த அறிக்கையில் தெரிவிக்கப்பட்டுள்ளது.