உண்ணாவிரதப் போராட்டத்துக்கு ஆதரவு

பெருந்தோட்டத் தொழிலாளர்களின் அடிப்படைச் சம்பளத்தை, ஆயிரம் ரூபாயாக உயர்த்தக்கோரி, மலையக இளைஞர்களால் ஆரம்பிக்கப்பட்ட உண்ணாவிரதப் போராட்டம், இன்று (22) 5ஆவது நாளாகவும் தொடர்கின்றது.

இரண்டு இளைஞர்களால் ஆரம்பிக்கப்பட்ட இந்தப் போராட்டத்தில், நேற்று முன்தினமும் நேற்றும் மேலும் இரண்டு இளைஞர்கள் இணைந்துகொண்டிருந்தனர்.

இந்நிலையில், கொழும்பு கோட்டை ரயில் நிலையத்துக்கு முன்பாக, இந்த உண்ணாவிரதப் போராட்டத்துக்கு ஆதரவு தெரிவிக்கும் மக்கள் தொகை, அதிகரித்துள்ளது.

இந்த உண்ணாவிரதப் போராட்டத்துக்கு ஆதரவு தெரிவித்து, பல சிவில் அமைப்புகள், அனைத்து மத, மொழி இனத்தவர்களும், கோட்டை ரயில் நிலையத்துக்கு முன்பாகக் கூடி, அடையாள போராட்டத்தில் ஈடுபட்டுள்ளனர்.