ஏமாற்றத்துடன் வீடு திரும்பிய மாணவர்கள்

சம்பள முரண்பாடு, சேவை தரம் உள்ளிட்ட மேலும் பல  கோரிக்கைகளை முன்வைத்து, 30 தொழிற்சங்கங்களைச் சேர்ந்த அதிபர்கள், ஆசிரியர்கள் நாடளாவிய ரீதியில், இன்று (26) பணிப்புறக்கணிப்பில் ஈடுபட்டுள்ளதால், பாடசாலைகளுக்கு வருகைதந்த மாணவர்கள் கற்பித்தல் நடவடிக்கை இடம்பெறாததால் வீடு திரும்பியுள்ளனர்.

தேசிய பாடசாலைகள், மாகாண பாடசாலைகள் ஆகியவற்றில் பணிபுரியும் 90 சதவீதமான ஆசிரியர்கள் இன்று கடமையில் ஈடுபடவில்லை எனத் தெரிவிக்கப்படுகிறது.

மேலும், களுத்துறை மாவட்டம் உள்ளிட்ட வேறு சில பகுதிகளில், பாடசாலைகள் மூடப்பட்டிருந்ததால், பாடசாலைக்குச் சென்ற மாணவர்கள் ஏமாற்றத்துடன் வீடு திரும்பியுள்ளனர்.