சாதாரண தர பரீட்சைகள் இன்று ஆரம்பம்

கல்வி பொதுத் தராதரப்பத்திர சாதாரண தர பரீட்சைகள் இன்று (02) ஆரம்பமாகியுள்ளதுடன், எதிர்வரும் 12 ஆம் திகதி வரை நடைபெறவுள்ளது.

4,987 பரீட்சை மத்திய நிலையங்களில் பரீட்சை நடைபெறவுள்ளதுடன், 4 இலட்சத்து 33 ஆயிரத்து 50 பாடசாலை பரீட்சார்த்திகள் தோற்றவுள்ளனர். 

அத்துடன், 2 இலட்சத்து 83 ஆயிரத்து 958 தனிப்பட்ட பரீட்சார்த்திகளுமாக  மொத்தமாக, 7 இலட்சத்து 17 ஆயிரத்து எட்டு பேர் பரீட்சை எழுத தகுதிப்பெற்றுள்ளனர்.

இந்த நிலையில், சீரற்ற காலநிலை காரணமாக பாதிக்கப்பட்டுள்ள மாணவர்கள் அருகில் உள்ள பரீட்சை நிலையங்களுக்கு சென்ற பரீட்சை எழுத முடியும் என பரீட்சைகள் திணைக்களம் அறிவித்துள்ளது.