முழுமையாக தடுப்பூசி பெற்றவர்கள் அதிகரிப்பு

கொரோனா தடுப்பூசியின் இரண்டு டோஸ்களையும் பெற்று முழுமையாக தடுப்பூசி பெற்றுக்கொண்டவர்களின் எண்ணிக்கை 1.9 மில்லியன் பேராக அதிகரித்துள்ளது என்று தொற்றுநோயியல் பிரிவு தெரிவித்துள்ளது.

இதேவேளை, நேற்றையதினம் 437,878 பேருக்கு தடுப்பூசி ஏற்றப்பட்டுள்ளது. சினோஃபார்ம் தடுப்பூசியின் முதல் டோஸ் 356,628 பேருக்கும், இரண்டாவது டோஸ் 55,722 பேருக்கும், ஃபைசரின் முதல் டோஸ் 108 பேருக்கும், மொடர்னாவின் முதல் டோஸ் 25,420 பேருக்கும் ஏற்றப்பட்டுள்ளன என்றும் அப்பிரிவு தெரிவித்துள்ளது.