மூதூர் பிரதேச விவசாயிகளுக்கு எள்ளு விதைகள் வழங்கி வைப்பு

(முறாசில்)

இலங்கை 'உள்ளத்திற்கான சக்தி கிராமிய சக்தி' என்னும் அமைப்பினால் எள்ளு உற்பத்தியை அதிகரிக்கச் செய்வதற்கான வேலைத்திட்டத்தின் கீழ் மூதூர் பிரதேசத்திலுள்ள விவசாயிகளுக்ககு எள்ளு விதைகள் வழங்கும் நிகழ்வு இன்று சனிக்கிழமை இடம்பெற்றது.

புத்தசாசன சமய விவகாரங்கள் அமைச்சின் மூதூர் தொகுதி அமைப்பாளர் எம்.முபாறக் தலைமையில் நடைபெற்ற இந்நிகழ்வில் புத்தசாசன சமய விவகாரங்கள் அமைச்சரின் பிரத்தியோக செயலாளர் மாலனி மெனிக்கே குணவர்த்தன, கிராமிய சக்தி அமைப்பின் தலைவர் நலின் மில்ரோய் குணவர்த்தன, தேசிய இணைப்பாளர் தர்மசேன உட்பட பலர் கலந்துகொண்டனர்.

எள்ளு உற்பத்தியில் ஈடுபடவுள்ள விவசாயிகளுக்கு நிதி உதவிகளும் இவ்வமைப்பினால் வழங்கப்படவுள்ளன.