த.ம.வி.பு முக்கியஸ்தரின் வீடு தீக்கிரை

Menaka Mookandi / 2014 ஓகஸ்ட் 20 , மு.ப. 04:43 - 0 - {{hitsCtrl.values.hits}}

-எஸ்.கார்த்திகேசு

தமிழ் மக்கள் விடுதலைப் புலிகள் கட்சியின் முன்னாள் முக்கியஸ்தர் சீலனின் தாயாரது வீடு, இனந்தெரியாத நபர்களால் செவ்வாய்க்கிழமை (19) அதிகாலை தீக்கிரையாக்கப்பட்டுள்ளது.

திருக்கோவில் ஸ்ரீ சித்திரவேலாயுதர் சுவாமி ஆலயத்தின் குறுக்கு வீதியில் அமைந்துள்ள வீடே இவ்வாறு தீக்கிரையாக்கப்பட்டுள்ளது என திருக்கோவில் பொலிஸ் நிலைய பொறுப்பதிகாரி தெரிவித்துள்ளார்.

இது சம்மந்தமாக திருக்கோவில் பொலிஸ் நிலையத்தில் வீட்டின் உரிமையாளரான விநாசித்தம்பி புவனேஸ்வரி முறைப்பாடு ஒன்றினை பதிவு செய்துள்ளார்.

இதனை அடுத்து பொலிஸார் ஆரம்பகட்ட விசாரணைகளை மேற்கொண்டு வருவதுடன் தடயங்களை ஆராயும் வகையில் அம்பாறை குற்றத்தடுப்பு புலனாய்வு பொலிஸ் பிரிவினரினால் நடவடிக்கைகள் எடுக்கப்பட்டுள்ளன.

இந்த வீடு, ஏற்கெனவே 2004ஆம் ஆண்டில் குண்டு வெடிக்கச் செய்யப்பட்டு வீட்டின் பெரும் பகுதி தீக்கிரையாக்கப்பட்டிருந்தமை குறிப்பிடத்தக்கது.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .