குச்சவெளியில் கைதுசெய்யப்பட்டவருக்கு விளக்கமறியல்

எப்.முபாரக் 

திருகோணமலை குச்சவெளி பகுதியில் வைத்து சந்தேகத்தின் பேரில் கைதுசெய்யப்பட்ட தேசிய தௌஹீத் ஜமாஅத்தின் உறுப்பினர் ஒருவரை, எதிர்வரும் 8ஆம் திகதி வரை விளக்கமறியலில் வைக்குமாறு, திருகோணமலை நீதிமன்ற நீதிவான் எம்.எச்.எம்.ஹம்ஸா, நேற்று  (29) உத்தரவிட்டார்.

ஜாயா நகர், குச்சவெளி பகுதியைச் சேர்ந்த (வயது 41) ஒருவரே இவ்வாறு விளக்கமறியலில் வைக்கப்பட்டுள்ளார்.

மேற்படி நபர், 2012 ஆம் ஆண்டிலிருந்து தேசிய தௌஹீத் ஜமாஅத்துடன் தொடர்புகளை பேணிவந்துள்ளார் என்றும் குச்சவெளி பகுதிக்கு பொறுப்பாளராகச் செயற்பட்டுள்ளார் என்றும் பொலிஸார் தெரிவிக்கின்றனர்.

பொலிஸாருக்கு வழங்கப்பட்ட இரகசியத் தகவலையடுத்தே, மேற்படி நபர் கைதுசெய்யப்பட்டுள்ளார். குறித்த நபரைக் கைதுசெய்யும் போது, தௌஹீத் ஜமாஅத் அமைப்பின் விடயங்கள் தொடர்பான ஆவணங்களுடன் மடிக்கணினியொன்றையும் பொலிஸார் கைப்பற்றியுள்ளனர்.