குடும்ப நலப் பராமரிப்பில் மாகாணத்தில் முதலிடம்

மூதூர் பொதுச் சுகாதார வைத்திய அதிகாரி பிரிவிலுள்ள கட்டைபறிச்சானில் குடும்பநல உத்தியோகத்தராகக் கடமையாற்றி வரும் கிருபைராசா கிறிஸ்டின் பிரவீனா,  தாய் - சேய் குடும்ப நலப் பராமரிப்பை சிறப்பாகச் செய்தமைக்காக, கிழக்கு மாகாணத்தில் முதலாமிடம் வழங்கிக் கௌரவிக்கப்பட்டுள்ளார்.

கிழக்கு மாகாணத்திலுள்ள சகல தாய் - சேய் பராமரிப்பு பிரிவுகளுக்கும் சென்ற வைத்தியக் குழுவினர் வழங்கிய புள்ளிகளுக்கு அமைவாகவே, இவருக்கு முதலிடம் கிடைத்துள்ளது.

இவரது பிரிவில், நிறை குறைவான பிள்ளைகளின் பிறப்பு வீதம் குறைவு என்பதோடு, இதற்கு அவர், கற்பணித் தாய்மார்களுக்கு வழங்குகின்ற ஆலோசனைகளும் வழிகாட்டல்களுமே காரணமெனத் தெரிவிக்கப்படுகின்றது.