சி​னோர்ஃபாம் தடுப்பு மருந்துகளை திருடிய இருவர் கைது

சி​னோர்ஃபாம் தடுப்பு மருந்துகளை திருடினர் என்றக் குற்றசாட்டின் கீழ், இருவர் கைது செய்யப்பட்டுள்ளனர். அவ்விருவரும் 30 மருந்து குப்பிகளை திருடியுள்ளனர்.

காலி, ஹபராதுவ சுகாதார வைத்திய அதிகாரியின் காரியாலயத்தில் ​சேவையாற்றும் சாரதி மற்றும் சிற்றூழியர் ஆகிய இருவருமே இவ்வாறு சி​னோர்ஃபாம் தடுப்பு மருந்துகளை திருடியுள்ளனர்.

ஹபராதுவ சுகாதார வைத்திய அதிகாரி பிரமோத எம்.சிறிவர்த்தன, ஹபராதுவ பொலிஸ் நிலையத்தில் செய்யப்பட்ட முறைப்பாட்டுக்கு அமையவே இவ்விருவரும் கைது செய்யப்பட்டுள்ளனர்.

இவ்வாறு திருடப்பட்ட சி​னோர்ஃபாம் தடுப்பு மருந்துகளின் பெறுமதி 90 ஆயிரம் ரூபாயாகும் என்றும் வைத்தியர் தெரிவித்துள்ளார்.