7ஆவது இடத்துக்குப் பின்தள்ளப்பட்டது இலங்கை

சர்வதேச கிரிக்கெட் சபையின் புதிய டெஸ்ட் தரப்படுத்தல் வெளியிடப்பட்டுள்ளது. நியூசிலாந்து, பாகிஸ்தான் அணிகளுக்கிடையிலான டெஸ்ட் தொடரைத் தொடர்ந்தே, இந்தத் தரப்படுத்தல் வெளியிடப்பட்டுள்ளது.

புதிய தரப்படுத்தலின்படி, இலங்கை அணி 7ஆவது இடத்துக்குப் பின்தள்ளப்பட்டுள்ளது. இந்தத் தொடருக்கு முன்னர் 6ஆவது இடத்தில் இலங்கையும் 7ஆவது இடத்தில் நியூசிலாந்தும் காணப்பட்டன.

7ஆவது நிலை அணியான நியூசிலாந்து, 2ஆவது நிலை அணியான பாகிஸ்தானை வென்றதன் காரணமாக அதிக புள்ளிகளைப் பெற்றுக் கொண்டது. இதனால் அவ்வணி, 6ஆவது இடத்துக்கு முன்னேற, இலங்கை அணி 7ஆவது இடத்துக்குப் பின்தள்ளப்பட்டது.

அதேபோல், 2ஆவது இடத்தில் காணப்பட்ட பாகிஸ்தான் அணி, இந்தத் தோல்விகளைத் தொடர்ந்து, 4ஆவது இடத்துக்கு முன்னேறியுள்ளது.

புதிய தரப்படுத்தல்: இந்தியா, இங்கிலாந்து, அவுஸ்திரேலியா, பாகிஸ்தான், தென்னாபிரிக்கா, நியூசிலாந்து, இலங்கை, மேற்கிந்தியத் தீவுகள், பங்களாதேஷ், சிம்பாப்வே.