2020வரை சௌத்கேட்

இங்கிலாந்து தேசிய கால்பந்தாட்ட அணியின் முகாமையாளராக, அவ்வணியின் தற்காலிக முகாமையாளராகப் பணியாற்றி வந்த கரித் சௌத்கேட் நியமிக்கப்பட்டுள்ளார்.

4 போட்டிகளுக்குத் தற்காலிக முகாமையாளராக நியமிக்கப்பட்டிருந்த அவர், தற்போது 4 ஆண்டுகளுக்கு நியமிக்கப்பட்டுள்ளார். இதன்படி 2018ஆம் ஆண்டு இடம்பெறவுள்ள உலகக் கிண்ணம், 2020ஆம் ஆண்டு ஐரோப்பிய சம்பியன்ஷிப் ஆகியனவற்றுக்கு, அவர் பொறுப்பு வகிக்கவுள்ளார்.

அவருக்கான ஊதியம், ஆண்டுக்கு 2.5 மில்லியன் ஐக்கிய அமெரிக்க டொலர்கள் எனத் தெரிவிக்கப்படுகிறது.

இங்கிலாந்துக்காக 57 போட்டிகளில் விளையாடிய சௌத்கேட், 96ஆம் ஆண்டு அரையிறுதியில், தண்ட உதைகளில் ஒன்றைத் தவறவிட்டமைக்காக அறியப்படுகின்றமை குறிப்பிடத்தக்கது.