162 ஓட்டங்களுடன் ஆட்டமிழந்த மேற்கிந்தியத் தீவுகள்

இந்தியாவுக்கெதிரான முதலாவது டெஸ்டில் 162 ஓட்டங்களுடன் மேற்கிந்தியத் தீவுகள் ஆட்டமிழந்தது.

இரண்டு போட்டிகள் கொண்ட இத்தொடரில், அஹமதாபாத்தில் வியாழக்கிழமை (02) ஆரம்பமான இப்போட்டியின் நாணயச் சுழற்சியில் வென்ற மேற்கிந்தியத் தீவுகளின் அணித்தலைவர் றொஸ்டன் சேஸ் தமதணி முதலில் துடுப்பெடுத்தாடுமென அறிவித்தார்.

அந்தவகையில் முதலில் துடுப்பெடுத்தாடிய மேற்கிந்தியத் தீவுகள், மொஹமட் சிராஜ் (4), ஜஸ்பிரிட் பும்ரா (3), குல்தீப் யாதவ் (2), வொஷிங்டன் சுந்தரிடம் விக்கெட்டுகளைப் பறிகொடுத்து சகல விக்கெட்டுகளையும் இழந்து 162 ஓட்டங்களையே பெற்றது. ஜஸ்டின் கிறேவ்ஸ் 32, ஷாய் ஹோப் 26, சேஸ் 24 ஓட்டங்களைப் பெற்றனர்.