பாகிஸ்தான் துடுப்பாட்ட பயிற்றுவிப்பாளராக பிளவர்

பாகிஸ்தான் கிரிக்கெட் அணியின் துடுப்பாட்ட பயிற்றுவிப்பாளருக்கான வாய்ப்புகளை சிம்பாவே அணியின் முன்னாள் வீரர் கிரான்ட் பிளவருக்கு வழங்குவதற்கான வாய்ப்புகள் இருப்பதாக செய்திகள் வெளியாகியுள்ளன. பயிற்றுவிப்பாளர் தெரிவுக் குழு, தலைமை பயிற்றுவிப்பாளர் வக்கார் யூனுசுக்கு துடுப்பாட்ட பயிற்றுவிப்பாளராக கிரான்ட் பிளவர், இங்கிலாந்து அணியின் முன்னாள் களத்தடுப்பு மற்றும் உடற்பயிற்சி பயிற்றுவிப்பாளர் ரிச்சர்ட் ஹல்சால் ஆகியோரை பரிந்துரை செய்துள்ளனர். அதற்கு வக்கார் யூனுஸ் சம்மதம் தெரிவித்துள்ள அதேவேளை, ஹல்சாலுக்கு வக்கார் யூனுசும் தனது ஆதரவினை அதிகமாக வழங்கியுள்ளதாகவும் கூறப்படுகின்றது. சிம்பாவே நாட்டவரான ஹல்சாலின் பயிற்றுவிப்பு திறைமைகளை வக்கர் யூனுஸ் நன்கு அறிந்து வைத்திருந்தைமையே அதற்கான காரணமாகும்.

 

பாகிஸ்தான் கிரிக்கெட் சபை தனது அணிக்கான பின்புல அணியை முழுமையாக மாற்ற முடிவு செய்து அதற்கான குழுவை உருவாக்கியது. அதன் படி அந்தக் குழு முதலில் வக்கர் யூனுஸை தலைமை பயிற்றுவிப்பாளராக தேர்வு செய்தது. அதன் பின் முஸ்டாக் அஹமட்டினை பந்து வீச்சு ஆலோசகராக அறிவித்தது. தற்போது மீதமுள்ள பதவிகளுக்கான பெயர்களையும் வெளியிட்டுள்ளது. மிக விரைவில் குறிப்பிட்ட நியமனங்கள் உத்தியோக பூர்வமாக அறிவிக்கப்படும் என எதிர்பார்க்கப்படுகின்றது. வக்கர் யூனுஸ் தலைமைப் பயிற்றுவிப்பாளராக கடைமையாற்றுவதனால் வேகப்பந்துவீச்சு பயிற்றுவிப்பாளர் நியமிக்கப்படமாட்டர் என நம்பப்படுகின்றது.