அவுஸ்திரேலியாவுக்கு வெற்றி

தென் ஆபிரிக்கா, அவுஸ்திரேலியா அணிகளுக்கிடையில், அவுஸ்திரேலியாவில் நடைபெற்றுவரும் 3 போட்டிகள் அடங்கிய டுவென்டி டுவென்டி தொடரின் இரண்டாவது போட்டியில் அவுஸ்திரேலியா அணி 7 விக்கெட்களினால் வெற்றி பெற்று தொடரை சமப்படுத்தியுள்ளது. 

 

இந்தப் போட்டியில் முதலில் துடுப்பாடிய தென் ஆபிரிக்கா அணி 20 ஓவர்களில் 7 விக்கெட்களை இழந்து 101 ஓட்டங்களைப் பெற்றது. இதில் டுமினி 49 ஓட்டங்களைப் பெற்றுக்கொண்டார். பந்துவீச்சில் ஜேம்ஸ் போல்க்னர் 3 விக்கெட்களையும், கமரூன் போய்ஸ் 2 விக்கெட்களையும் கைப்பற்றினார். பதிலுக்கு துடுப்பாடிய அவுஸ்திரேலியா அணி 12.4 ஓவர்களில் 3 விக்கெட்களை இழந்து 102 ஓட்டங்களைப் பெற்றுக் கொண்டது. இதில் ஆரோன் பிஞ்ச் ஆட்டமிழக்காமல் 44 ஓட்டங்களையும், ஷேன் வோட்சன் 30 ஓட்டங்களையும் பெற்றனர். பந்துவீச்சில் வெயின் பார்னல் 2 விக்கெட்களைக் கைப்பற்றிக் கொண்டார். 

 

போட்டியின் நாயகனாக 4 ஓவர்கள் பந்துவீசி 15 ஓட்டங்களுக்கு 2 விக்கெட்களை கைப்பற்றிய கமரூன் போய்ஸ் தெரிவு செய்யப்பட்டார்.