உலக்கக்கிண்ணத்தின் பின்னர் ஹடின் ஓய்வு?

அவுஸ்திரேலியா ஒருநாள் சர்வதேசப் போட்டிகளின் உப தலைவரும் விக்கெட் காப்பாளருமான பிரட் ஹடின், தான் ஓய்வு பெறும் காலம் அண்மித்துள்ளதாக கூறியுள்ளார். உலகக்கிண்ண தொடரில் விளையாடிவரும் ஹடின், பிரிஸ்பேர்னில் வைத்து இந்தக் கருத்தை கூறியுள்ளார். 

37 வயதை பூர்த்தி செய்துள்ள பிரட் ஹடின், இதுவரை 119 ஒருநாள் சர்வதேசப் போட்டிகளில் விளையாடி 3,027 ஓட்டங்களைப் பெற்றுள்ளார். 2001ஆம் ஆண்டு ஒருநாள் சர்வதேசப் போட்டிகளில் இவர் அறிமுகத்தை மேற்கொண்டார். தான் இந்த உலகக் கிண்ணத்தை ரசித்து வருவதாகவும், இறுதிப் போட்டி மெல்பேர்ன் கிரிக்கெட் மைதானத்தில் நடைபெறுவதனால் அங்கே நிறைவு செய்வது சிறப்பாக இருக்கும் என தான் கருதுவதாகவும் கூறியுள்ள பிரட் ஹடின், ஆனாலும் தான் விடை பெறுவது எப்போது என்ற தீர்க்கமான முடிவை எடுக்கவில்லை எனவும் இருப்பினும் மிக விரைவில் அந்த முடிவை எடுப்பேன் எனவும் அவர் மேலும் கூறியுள்ளார்.