மேற்கிந்திய தீவுகளை வீழ்த்தி அரையிறுதிக்குள் நுழைந்தது நியூசிலாந்து

நியூசிலாந்து – மேற்கிந்திய தீவுகள் அணிகளுக்கிடையில் இன்று இடம்பெற்ற உலகக்கிண்ண 4ஆவது காலிறுதிப் போட்டியில் நியூசிலாந்து அணி, 143 ஓட்டங்களால் வெற்றிபெற்று அரையிறுதிக்குள் நுழைந்தது. 

வெலிங்டன் மைதானத்தில் இன்று காலை ஆரம்பமான போட்டியில், நாணய சுழற்சியில் வெற்றிபெற்ற நியூசிலாந்து அணி, முதலில் துடுப்பெடுத்தாட தீர்மானித்தது. 

அதற்கமைய, முதலில் துடுப்பெடுத்தாடிய நியூசிலாந்து அணி 50 ஓவர்கள் நிறைவில் 6 விக்கெட்டுகளை இழந்து 393 ஓட்டங்களை குவித்தது.

394 என்ற வெற்றியிலக்கினை துரத்திய மேற்கிந்திய தீவுகள் அணி, 30.3 ஓவர்களில் சகல விக்கெட்டுகளையும் இழந்து 250 ஓட்டங்களை மாத்திரம் பெற்று தோல்வியை தழுவியது.