ஆறாமிடத்துக்கு முன்னேறினார் வோணர்

சர்வதேச கிரிக்கெட் சபையின் ஒருநாள் சர்வதேசப் போட்டிகளுக்கான (ODI) துடுப்பாட்டவீரர்களின் தரவரிசையில் ஆறாமிடத்துக்கு அவுஸ்திரேலியாவின் டேவிட் வோணர் முன்னேறியுள்ளார்.

இந்தியாவுக்கெதிரான மூன்று போட்டிகள் கொண்ட ஒருநாள் சர்வதேசப் போட்டித் தொடரில் 146 ஓட்டங்களைப் பெற்றதைத் தொடர்ந்தே, நேற்று  வெளியிடப்பட்ட தரவரிசையில், ஏழாமிடத்திலிருந்து ஓரிடம் முன்னேறி ஆறாமிடத்தை டேவிட் வோணர் அடைந்திருந்தார்.

இதேவேளை, இத்தொடரில் 162 ஓட்டங்களைப் பெற்றிருந்த அவுஸ்திரேலியாவின் அணித்தலைவர் ஆரோன் பின்ஞ், 11ஆம் இடத்திலிருந்து ஓரிடம் முன்னேறி 10ஆம் இடத்தைப் பிடித்திருந்தார்.

முதல் 10 துடுப்பாட்டவீரர்களின் தரவரிசை பின்வருமாறு,

1. விராட் கோலி, 2. ரோஹித் ஷர்மா, 3. பாபர் அஸாம், 4. பப் டு பிளெஸி, 5. றொஸ் டெய்லர், 6. டேவிட் வோணர், 7. கேன் வில்லியம்சன், 8. ஜோ றூட், 9. குயின்டன் டி கொக், 10. ஆரோன் பின்ஞ்.

முதல் 10 பந்துவீச்சாளர்களின் தரவரிசை பின்வருமாறு,

1. ஜஸ்பிரிட் பும்ரா, 2. ட்ரெண்ட் போல்ட், 3. முஜீப் உர் ரஹ்மான், 4. ககிஸோ றபாடா, 5. பற் கமின்ஸ், 6. கிறிஸ் வோக்ஸ், 7. மொஹமட் ஆமிர், 8. மற் ஹென்றி, 9. லொக்கி பெர்கியூசன், 10. மிற்சல் ஸ்டார்க்.

முதல் ஐந்து சகலதுறைவீரர்களின் தரவரிசை பின்வருமாறு,

1. பென் ஸ்டோக்ஸ், 2. மொஹமட் நபி, 3. இமாட் வசீம், 4. கிறிஸ் வோக்ஸ், 5. ரஷீட் கான்.