ஆறாமிடத்துக்கு முன்னேறிய றபாடா

சர்வதேச கிரிக்கெட் சபையின் டெஸ்ட் போட்டிகளுக்கான பந்துவீச்சளர்களின் தரவரிசையில் ஆறாமிடத்துக்கு தென்னாபிரிக்காவின் வேகப்பந்துவீச்சாளர் ககிஸோ றபாடா முன்னேறியுள்ளார்.

மேற்கிந்தியத் தீவுகளுக்கு எதிரான இரண்டாவது டெஸ்டில் ஐந்து விக்கெட்டுகளைக் கைப்பற்றியதையடுத்தே, ஏழாமிடத்திலிருந்து ஓரிடம் முன்னேறி ஆறாமிடத்தை றபாடா அடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. பற் கமின்ஸ், 2. இரவிச்சந்திரன் அஷ்வின், 3. டிம் செளதி, 4. ஜொஷ் ஹேசில்வூட், 5. நீல் வக்னர், 6. ககிஸோ றபாடா, 7. ஸ்டூவர்ட் ப்ரோட், 8. ஜேம்ஸ் அன்டர்சன், 9. மிற்செல் ஸ்டார்க், 10. ஜேஸன் ஹோல்டர்.

இதேவேளை, குறித்த டெஸ்டில் 96 ஓட்டங்களைப் பெற்ற தென்னாபிரிக்காவின் குயின்டன் டி கொக், 12ஆம் இடத்திலிருந்து இரண்டு இடங்கள் முன்னேறி 10ஆம் இடத்தை அடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. ஸ்டீவ் ஸ்மித், 2. கேன் வில்லியம்ஸன், 3. மர்னுஸ் லபுஷைன், 4. விராட் கோலி, 5. ஜோ றூட், 6. ரோஹித் ஷர்மா, 7. றிஷப் பண்ட், 8. ஹென்றி நிக்கொல்ஸ், 9. டேவிட் வோணர், 10. குயின்டன் டி கொக்.

முதல் ஐந்து சகலதுறைவீரர்களின் தரவரிசை பின்வருமாறு,

1. இரவீந்திர ஜடேஜா, 2. ஜேஸன் ஹோல்டர், 3. பென் ஸ்டோக்ஸ், 4. இரவிச்சந்திரன் அஷ்வின், 5. ஷகிப் அல் ஹஸன்.