ஆஷஸ் தொடரை தக்கவைத்தது ஆஸி

இங்கிலாந்து அணிக்கு அணிக்கு எதி​ரான ஆஷஸ் கிரிக்​கெட் தொடரின் 3-வது டெஸ்ட் போட்​டி​யில் ஆஸ்திரேலிய அணி 82 ஓட்டங்களில் வெற்றி பெற்றது. இதன் மூலம் ஆஷஸ் தொடரை ஆஸ்திரேலியா தன்வசம் தக்கவைத்துள்ளது. 5 போட்டிகள் கொண்ட தொடறில் 3-0 என்ற கணக்கில் அந்த அணி முன்னிலையில் உள்ளது.

அடிலெய்​டில் நடை​பெற்ற நடப்பு ஆஷஸ் தொடரின் 3-வது டெஸ்ட் போட்​டி​யில் ஆஸ்​திரேலிய அணி முதல் இன்​னிங்​ஸில் 371 ஓட்டங்​கள் குவித்​தது. அதி​கபட்​ச​மாக அலெக்ஸ் கேரி 109, உஸ்​மான் கவாஜா 82, மிட்​செல் ஸ்டார்க் 54 ஓட்டங்​களை சேர்த்​தனர். இங்​கிலாந்து அணி முதல் இன்​னிங்​ஸில் 87.2 ஓவர்​களில் 286 ஓட்டங்​களுக்கு ஆட்​ட​மிழந்​தது. அதி​கபட்​ச​மாக பென் ஸ்டோக்ஸ் 83, ஜோப்ரா ஆர்ச்​சர் 51 ஓட்டங்​களைச் சேர்த்​தனர்.

85 ஓட்டங்​கள் முன்​னிலை​யுடன் 2-வது இன்​னிங்ஸை விளை​யாடிய ஆஸ்​திரேலிய அணி 3-வது நாள் ஆட்​டத்​தின் முடி​வில் 66 ஓவர்​களில் 4 விக்​கெட்​கள் இழப்​புக்கு 271 ஓட்டங்​கள் எடுத்​தது.

ஜேக் வெத​ரால்டு 1, மார்​னஷ் லபுஷேன் 13, உஸ்​மான் கவாஜா 40, கேமரூன் கிரீன் 7 ஓட்டங்​களில் ஆட்​ட​மிழந்​தனர். டிரா​விஸ் ஹெட் 142, அலெக்ஸ் கேரி 52 ஓட்டங்​களு​டன் ஆட்​ட​மிழக்​காமல் இருந்​தனர்.

நேற்று 4-வது நாள் ஆட்​டத்தை தொடர்ந்து விளை​யாடிய ஆஸ்​திரேலிய அணி 84.4 ஓவர்​களில் 349 ஓட்டங்​களுக்கு ஆட்​ட​மிழந்​தது.

டிரா​விஸ் ஹெட் 219 பந்​துகளில், 2 சிக்​ஸர்​கள், 16 பவுண்​டரி​களு​டன் 170 ஓட்டங்​கள் விளாசிய நிலை​யில் ஜோஷ் டங் பந்​தில் அவுட் ஆனார். அலெக்ஸ் கேரி 128 பந்​துகளில், 6 பவுண்​டரி​களு​டன் 72 ஓட்டங்​கள் எடுத்த நிலை​யில் பென் ஸ்டோக்ஸ் பந்​தில் வெளி​யேறி​னார்.

ஜோஷ் இங்​லிஷ் 10, கேப்​டன் பாட் கம்​மின்ஸ் 6, நேதன் லயன் 0, ஸ்காட் போலண்ட் 1 ஓட்டங்​களில் நடையை கட்​டினர். இங்​கிலாந்து அணி சார்​பில் ஜோஷ் டங் 4 விக்​கெட்​களை​யும், பிரைடன் கார்ஸ் 3 விக்​கெட்​களை​யும் வீழ்த்​தினர். ஜோப்ரா ஆர்ச்​சர், பென் ஸ்டோக்​ஸ், வில் ஜேக்ஸ் ஆகியோர் தலா ஒரு விக்​கெட் கைப்​பற்​றினர்.

இதையடுத்து 435 ஓட்டங்​கள் இலக்​குடன் பேட் செய்த இங்​கிலாந்து அணி 31 ஓட்டங்​களுக்கு 2 விக்​கெட்​களை பறி​கொடுத்​தது. பென் டக்​கெட் 4, ஆலி போப் 17 ஓட்டங்​களில் பாட் கம்​மின்ஸ் பந்​தில் ஆட்​ட​மிழந்​தார். 3-வது விக்​கெட்​டுக்கு ஸாக் கிராவ்​லி​யுடன் இணைந்த ஜோ ரூட் பார்ட்​னர்​ஷிப்பை கட்​டமைக்க முயன்​றார். 78 ஓட்டங்​கள் சேர்த்த இந்த ஜோடியை பாட் கம்​மின்ஸ் பிரித்​தார்.

ஜோ ரூட் 63 பந்​துகளில், 5 பவுண்​டரி​களு​டன் 39 ஓட்டங்​கள் எடுத்த நிலை​யில் பாட் கம்​மின்ஸ் பந்​தில் வெளி​யேறி​னார். இதையடுத்து களமிறங்​கிய ஹாரி புரூக் 56 பந்​துகளில், 2 பவுண்​டரி​களு​டன் 30 ஓட்டங்​கள் எடுத்த நிலை​யில் நேதன் லயன் பந்​தில் போல்​டா​னார். இதன் பின்​னர் களமிறங்​கிய பென் ஸ்டோக்ஸ் 18 பந்​துகளில் 5 ஓட்டங்​கள் எடுத்த நிலை​யில் நேதன் லயன் பந்​தில் ஸ்டெம்பை பறி​கொடுத்​தார்.

தனது 21-வது அரை சதத்தை கடந்த ஸாக் கிராவ்லி 151 பந்​துகளில், 8 பவுண்​டரி​களு​டன் 85 ஓட்டங்​கள் எடுத்த நிலை​யில் நேதன் லயன் பந்​தில் ஸ்டெம்​பிங் ஆனார். நேற்​றைய 4-வது நாள் ஆட்​டத்​தின் முடி​வில் இங்​கிலாந்து அணி 63 ஓவர்​களில் 6 விக்​கெட்​கள் இழப்​புக்கு 207 ஓட்டங்​கள் எடுத்​தது. ஜேமி ஸ்மித் 2, வில் ஜேக்ஸ் 11 ஓட்டங்​களு​டன் களத்​தில் இருந்​தனர்.

ஆஸ்​திரேலிய அணி தரப்​பில் பாட் கம்​மின்​ஸ், நேதன் லயன் ஆகியோர் தலா 3 விக்​கெட்​கள் வீழ்த்​தினர். கைவசம் 4 விக்​கெட்​கள் இருக்க வெற்​றிக்கு மேற்​கொண்டு 228 ஓட்டங்​கள் தேவை என்ற நிலை​யில் இங்​கிலாந்து அணி இன்​று கடைசி நாள்​ ஆட்​டத்​தை எதிர்கொண்டது.