இத்தாலிய சீரி ஏ தொடர்: சமநிலையில் அத்லாண்டா – உடினிஸ் போட்டி

இத்தாலிய சீரி ஏ தொடரில், தமது மைதானத்தில் சனிக்கிழமை (07) நடைபெற்ற உடினிஸுடனான போட்டியை 2-2 என்ற கோல் கணக்கில் அத்லாண்டா சமப்படுத்தியது.

அத்லாண்டா சார்பாகப் பெறப்பட்ட இரண்டு கோல்களையும் ஜனுலூகா ஸ்கமாக்கா பெற்றதோடு, உடினிஸ் சார்பாக தோமஸ் தெய்ஸன் கிறிஸ்டென்சன், கெய்னன் டேவிஸ் ஆகியோர் தலா ஒவ்வொரு கோலைப் பெற்றனர்.

சீரி ஏ புள்ளிகள் பட்டியலில் 67 புள்ளிகளுடன் முதலாமிடத்தில் இன்டர் மிலன் உள்ளது. 57 புள்ளிகளுடன் இரண்டாமிடத்தில் ஏ.சி மிலனும், 56 புள்ளிகளுடன் மூன்றாமிடத்தில் நடப்புச் சம்பியன்களான நாப்போலியும் காணப்படுகின்றது. கோமோ, றோமா ஆகியன தலா 51 புள்ளிகளைப் பெற்றுள்ளபோதும் அவற்றுக்கிடையேயான போட்டி முடிவுகள் காரணமாக முறையே நான்காம், ஐந்தாமிடங்களில் காணப்படுகின்றன. இதில் நாப்போலி, கோமோ ஆகியன ஒரு போட்டி அதிகமாக விளையாடியுள்ளன.