இன்டரை வென்ற நாப்போலி

இத்தாலியக் கால்பந்தாட்டக் கழகங்களுக்கிடையிலான சீரி ஏ தொடரில், தமது மைதானத்தில் சனிக்கிழமை (25) நடைபெற்ற இன்டர் மிலனுடனான போட்டியில் 3-1 என்ற கோல் கணக்கில் நடப்புச் சம்பியன்களான நாப்போலி வென்றது.

நாப்போலி சார்பாக கெவின் டி ப்ரூனே, ஸ்கொட் மக்டொமினே, அன்ட்ரே-பிராங்க் ஸம்போ அன்குய்ஸா ஆகியோர் தலா ஒவ்வொரு கோலைப் பெற்றனர். இன்டர் சார்பாகப் பெறப்பட்ட கோலை ஹகன் கல்ஹனொக்லு பெற்றிருந்தார்.

இதேவேளை கிறெமொனெஸேயின் மைதானத்தில் ஞாயிற்றுக்கிழமை (26) நடைபெற்ற அவ்வணியுடனான போட்டியை 1-1 என்ற கோல் கணக்கில் அத்லாண்டா சமப்படுத்தியது. அத்லாண்டா சார்பாக மார்கோ பிரெஸியானி பெற்றதோடு, கிறெமொனெஸே சார்பாகப் பெறப்பட்ட கோலை ஜேமி வார்டி பெற்றிருந்தார்.