இரண்டாமிடத்துக்கு முன்னேறிய ஸ்டார்க்

சர்வதேச கிரிக்கெட் சபையின் டெஸ்ட் போட்டிகளுக்கான பந்துவீச்சாளர்களின் தரவரிசையில் இரண்டாமிடத்துக்கு அவுஸ்திரேலியாவின் மிற்செல் ஸ்டார்க் முன்னேறியுள்ளார்.

இங்கிலாந்துக்கெதிரான ஐந்தாவது ஆஷஸ் போட்டியில் 4 விக்கெட்டுகளைக் கைப்பற்றியமையைத் தொடர்ந்தே மூன்றாமிடத்திலிருந்து ஓரிடம் முன்னேறி இரண்டாமிடத்தை ஸ்டார்க் அடைந்துள்ளார்.

இதேவேளை குறித்த போட்டியில் 5 விக்கெட்டுகளைக் கைப்பற்றிய அவுஸ்திரேலியாவின் ஸ்கொட் போலண்ட், ஒன்பதாமிடத்திலிருந்து இரண்டு இடங்கள் முன்னேறி ஏழாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. ஜஸ்பிரிட் பும்ரா, 2. மிற்செல் ஸ்டார்க், நொமன் அலி, 4. பற் கமின்ஸ், 5. மற் ஹென்றி, 6. மார்கோ ஜன்சன், 7. ஸ்கொட் போலண்ட், 8. ககிஸோ றபாடா, 9. ஜொஷ் ஹேசில்வூட், 10. நேதன் லையன்.

மேற்குறித்த போட்டியில் 59 ஓட்டங்களைப் பெற்ற இங்கிலாந்தின் ஹரி ப்றூக், துடுப்பாட்டவீரர்களுக்கான தரவரிசையில் ஐந்தாமிடத்திலிருந்து மூன்று இடங்கள் முன்னேறி இரண்டாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. ஜோ றூட், 2. ஹரி ப்றூக், 3. கேன் வில்லியம்சன், 4. ட்ரெவிஸ் ஹெட், 5. ஸ்டீவ் ஸ்மித், 6. கமிந்து மென்டிஸ், 7. தெம்பா பவுமா, 8. யஷஸ்வி ஜைஸ்வால், 9. செளட் ஷகீல், 10. ஷுப்மன் கில்.

முதல் ஐந்து சகலதுறைவீரர்களின் தரவரிசை பின்வருமாறு,

1. இரவீந்திர ஜடேஜா, 2. மார்கோ ஜன்சன், 3. பென் ஸ்டோக்ஸ், 4. மெஹிடி ஹஸன் மிராஸ், 5. மிற்செல் ஸ்டார்க்.