இறுதி டெஸ்ட்க்கு பட்லர், ஜக் லீச் அழைப்பு

இந்தியாவுக்கு எதிராக மான்செஸ்டரில் நாளை மறுதினம் 10) இடம்பெறவுள்ள 5ஆவது டெஸ்ட் போட்டிக்கான இங்கிலாந்து அணி அறிவிக்கப்பட்டுள்ளது.

இந்த அணியில் 4ஆவது போட்டிக்கு ஓய்வு அளிக்கப்பட்ட விக்கெட் காப்பாளர் ஜோஸ் பட்லர் மீண்டும் அழைக்கப்பட்டுள்ளார். மான்செஸ்டர் ஆடுகளம் சுழற்பந்துவீச்சுக்கு சாதகமானது என்பதால், சுழல்பந்து வீச்சாளர் ஜக் லீச்-ம் சேர்க்கப்பட்டுள்ளார்.

5 போட்டிகள் கொண்ட டெஸ்ட் தொடரில் இந்திய அணி 2-1 என்ற கணக்கில் முன்னிலை வகிக்கிறது.  

இங்கிலாந்து அணி விவரம்:
ஜோ ரூட் (தலைவர்), மொயின் அலி, ஜேம்ஸ் அன்டர்ஸன், ஜோனி பேர்ஸ்டோ, ரோய் பேர்ன்ஸ், ஜோஸ் பட்லர், சாம் கரன், ஹசீப் ஹமீட், டான் லாரன்ஸ், ஜக் லீச், டேவிட் மலான், கிரேக் ஓவர்டன், ஒலி போப், ஒலி ரொபின்ஸன், கிறிஸ் வோக்ஸ், மார்க் வுட்