உலகக் கிண்ண ஆப்கான் குழாமில் பரூக்கி, நைப்

இருபதுக்கு – 20 உலகக் கிண்ணத்துக்கான ஆப்கானிஸ்தான் குழாமில் வேகப்பந்துவீச்சாளர் பஸல்ஹக் பரூக்கி, சகலதுறைவீரர் குல்படின் நைப் ஆகியோர் இடம்பெற்றுள்ளனர்.

இறுதியாக ஆப்கான் விளையாடிய பங்களாதேஷுக்கெதிரான இருபதுக்கு – 20 சர்வதேசப் போட்டித் தொடரில் பரூக்கி, நைப் இடம்பெற்றிருக்கவில்லை.

இதேவேளை காயத்திலிருந்து குணமடைந்த வேகப்பந்துவீச்சாளர் நவீன்-உல்-ஹக்கும் குழாமில் இடம்பெற்றுள்ளார்.

குழாம்: ரஷீட் கான் (அணித்தலைவர்), இப்ராஹிம் ஸட்ரான் (உப அணித்தலைவர்), ரஹ்மனுல்லா குர்பாஸ் (விக்கெட் காப்பாளர்), செதிகுல்லா அடல், டர்விஷ் ரசூலி, ஷஹிடுல்லா கமல், அஸ்மதுல்லா ஓமர்ஸாய், குல்படின் நைப், மொஹமட் நபி, நூர் அஹ்மட், முஜீப் உர் ரஹ்மான், நவீன்-உல்-ஹக், பஸல்ஹக் பரூக்கி, அப்துல்லா அஹ்மட்ஸாய்.