குரோஷியாவை வென்ற இங்கிலாந்து

யூரோ கிண்ணத் தொடரில், இங்கிலாந்தில் நேற்று நடைபெற்ற அவ்வணிக்கும், குரோஷியாவுக்கும் இடையிலான போட்டியில், 1-0 என்ற கோல் கணக்கில் இங்கிலாந்து வென்றது.

இங்கிலாந்து சார்பாகப் பெறப்பட்ட கோலை ரஹீம் ஸ்டேர்லிங்க் பெற்றிருந்தார்.

இந்நிலையில், நெதர்லாந்தில் இன்று அதிகாலை நடைபெற்ற அவ்வணிக்கும், உக்ரேனுக்குமிடையிலான போட்டியில், 3-2 என்ற கோல் கணக்கில் நெதர்லாந்து வென்றது. நெதர்லாந்து சார்பாக, ஜோர்ஜினோ விஜ்நால்டும், வெளட் வெக்ஹோர்ஸ்ட், டென்ஸெல் டம்பிறைஸ் ஆகியோர் தலா ஒவ்வொரு கோலைப் பெற்றனர். உக்ரேன் சார்பாக, அன்ட்றி யர்மொலெங்கோ, றோமன் யரெம்ஷுக் ஆகியோர் தலா ஒவ்வொரு கோலைப் பெற்றனர்.