கெட்டாபேயிடம் தோற்ற றியல் மட்ரிட்

ஸ்பானிய கால்பந்தாட்டக் கழகங்களுக்கிடையிலான லா லிகா தொடரில், கெட்டாபேயின் மைதானத்தில் நடைபெற்ற அவ்வணியுடனான போட்டியில் 0-1 என்ற கோல் கணக்கில் றியல் மட்ரிட் தோற்றது.

கெட்டாபே சார்பாகப் பெறப்பட்ட கோலை எனெஸ் உனல் பெற்றார்.

லா லிகா புள்ளிகள் பட்டியலில் 46 புள்ளிகளுடன் முதலாமிடத்தில் மட்ரிட் உள்ளது. இரண்டு போட்டிகள் குறைவாக விளையாடியுள்ள செவிய்யா 38 புள்ளிகளுடன் இரண்டாமிடத்திலும், ஒரு போட்டி குறைவாக விளையாடியுள்ள றியல் பெட்டிஸ் 33 புள்ளிகளுடன் மூன்றாமிடத்திலும், ஒரு போட்டி குறைவாக விளையாடியுள்ள அத்லெட்டிகோ மட்ரிட் 32 புள்ளிகளுடன் நான்காமிடத்திலும் உள்ளன.