செல்சியில் தொடமுடியாதவர்கள் எவருமில்லை : மொரின்கோ

இங்கிலாந்து பிறிமியர் லீக் கால்பந்தாட்டக் கழகமான செல்சியின் மோசமான ஆரம்ப பருவகால பெறுபேறுகள் தொடருமிடத்து, அணியில் எந்தவொரு வீரரினது இடமும் பாதுகாப்பாக இல்லை என வீரர்களுக்கு கூறப்பட்டுள்ளது.

செல்சி அணியின் இறுதி இரண்டு பிறிமியர் லீக் போட்டிகளிலும் பயிற்சியாளர் ஜொஸ் மொரின்கோவால் அணித்தலைவர் ஜோன் டெரி அணிக்கு வெளியில் அமர்த்தப்பட்டிருந்தார். இதேவேளை சீஸ்க் பப்ரிகாஸ், இவானாவிக் ஆகியோர் விமர்சனங்களுக்கு உள்ளாகியிருந்தனர்.

கால்பந்தாட்ட உலகில் தொடமுடியாதவர்கள் என்ற நிலையை, தொடர்ச்சியான பெறுபேறுகள் மூலமே அடைய முடியும் என மொரின்கோ தெரிவித்துள்ளதுடன், இந்தத் தருணத்தில் தான் தொடமுடியாதவர்களைக் கொண்டிருக்கவில்லை என கூறியுள்ளார்.

ஏழு போட்டிகள் முடிவடைந்த நிலையில், செல்சி அணி தரவரிசையில் 14வது இடத்தில் இருக்கின்றது.