சமநிலையில் ஆர்சனல் – எவெர்ற்றன் போட்டி

இங்கிலாந்து கால்பந்தாட்டக் கழகங்களுக்கிடையிலான பிறீமியர் லீக் தொடரில், தமது மைதானத்தில் சனிக்கிழமை (14) நடைபெற்ற எவெர்ற்றனுடனான போட்டியை 0-0 என்ற கோல் கணக்கில் ஆர்சனல் சமப்படுத்தியது.

இதேவேளை தமது மைதானத்தில் நடைபெற்ற புல்ஹாமுடனான போட்டியை 2-2 என்ற கோல் கணக்கில் லிவர்பூல் சமப்படுத்தியது. லிவர்பூல் சார்பாக கோடி கக்போ, டியகோ ஜோட்டா ஆகியோர் தலா ஒவ்வொரு கோலைப் பெற்றனர். புல்ஹாம் சார்பாக, அன்ட்ரயாஸ் பெரைரா, றொட்றிகோ முனிஸ் ஆகியோர் தலா ஒவ்வொரு கோலைப் பெற்றனர்.

இந்நிலையில் தமது மைதானத்தில் நடைபெற்ற லெய்செஸ்டர் சிற்றியுடனான போட்டியில் 4-0 என்ற கோல் கணக்கில் நியூகாசில் யுனைட்டெட் வென்றது.