சமநிலையில் சிற்றி – செல்சி போட்டி

இங்கிலாந்து பிறீமியர் லீக்கில், தமது மைதானத்தில் ஞாயிற்றுக்கிழமை (04) நடைபெற்ற செல்சியுடனான போட்டியை 1-1 என்ற கோல் கணக்கில் மன்செஸ்டர் சிற்றி சமப்படுத்தியது.

சிற்றி சார்பாகப் பெறப்பட்ட கோலை டிஜ்ஜனி றெய்ஜின்டர்ஸ் பெற்ற நிலையில், செல்சி சார்பாகப் பெறப்பட்ட கோலை என்ஸோ பெர்ணாண்டஸ் பெற்றிருந்தார்.

இந்நிலையில் புல்ஹாமின் மைதானத்தில் நடைபெற்ற போட்டியை 2-2 என்ற கோல் கணக்கில் நடப்புச் சம்பியன்களான லிவர்பூல் சமப்படுத்தியிருந்தது. லிவர்பூல் சார்பாக புளோரியன் ரிட்ஸ், கோடி கக்போ ஆகியோர் தலா ஒவ்வொரு கோலைப் பெற்றனர். புல்ஹாம் சார்பாக, ஹரி வில்சன், ஹரிஸன் றீட் ஆகியோர் தலா ஒவ்வொரு கோலைப் பெற்றனர்.

இதேவேளை லீட்ஸ் யுனைட்டெட்டின் மைதானத்தில் நடைபெற்ற அவ்வணியுடனான போட்டியை 1-1 என்ற கோல் கணக்கில் மன்செஸ்டர் யுனைட்டெட் சமப்படுத்தியது.