சமநிலையில் சிற்றி – பிறென்ஃபோர்ட்டி

இங்கிலாந்து கால்பந்தாட்டக் கழகங்களுக்கிடையிலான பிறீமியர் லீக் தொடரில், பிறென்ஃபோர்ட்டின் மைதானத்தில் இன்று (15) அதிகாலை நடைபெற்ற அவ்வணியுடனான போட்டியை 2-2 என்ற கோல் கணக்கில் நடப்புச் சம்பியன்களான மன்செஸ்டர் சிற்றி சமப்படுத்தியது.

சிற்றி சார்பாகப் பெறப்பட்ட இரண்டு கோல்களையும் பில் பொடென் பெற்றதோடு, பிறென்ஃபோர்ட் சார்பாக யோனே விஸ்ஸா, கிறிஸ்டியன் நொர்கார்ட் ஆகியோர் தலா ஒவ்வொரு கோலைப் பெற்றனர்.

இதேவேளை நொட்டிங்ஹாம் பொரெஸ்டின் மைதானத்தில் நடைபெற்ற அவ்வணியுடனான போட்டியை 1-1 என்ற கோல் கணக்கில் லிவர்பூல் சமப்படுத்தியது. லிவர்பூல் சார்பாகப் பெறப்பட்ட கோலை டியகோ ஜோட்டா பெற்றதோடு, பொரெஸ்ட் சார்பாகப் பெறப்பட்ட கோலை கிறிஸ் வூட் பெற்றிருந்தார்.

இந்நிலையில் தமது மைதானத்தில் நடைபெற்ற போர்ண்மெத்துடனான போட்டியை 2-2 என்ற கோல் கணக்கில் செல்சி சமப்படுத்தியது.

பிறீமியர் லீக் புள்ளிகள் பட்டியலில் 47 புள்ளிகளுடன் முதலாமிடத்தில் லிவர்பூல் உள்ளது. 41 புள்ளிகளுடன் இரண்டாமிடத்தில் பொரெஸ்டும், 40 புள்ளிகளுடன் மூன்றாமிடத்தில் செல்சியும் காணப்படுகின்றது. இதில் லிவர்பூலும், ஆர்சனலும் மற்றைய அணிகளை விட ஒரு போட்டி குறைவாக விளையாடியுள்ளன.