சமநிலையில் டொட்டமுண்ட் – மைன்ஸ் போட்டி

ஜேர்மனியக் கால்பந்தாட்டக் கழகங்களுக்கிடையிலான புண்டெஸ்லீகா தொடரில், பொரூசியா டொட்டமுண்டின் மைதானத்தில் நேற்றிரவு நடைபெற்ற அவ்வணிக்கும், மைன்ஸுக்குமிடையிலான போட்டியானது 1-1 என்ற கோல் கணக்கில் சமநிலையில் முடிவடைந்தது.

டொட்டமுண்ட் சார்பாகப் பெறப்பட்ட கோலை தோமஸ் மெனியர் பெற்றதோடு, மைன்ஸ் சார்பாகப் பெறப்பட்ட கோலை லெவின் ஒஸ்டுனாலி பெற்றிருந்தார்.

இந்நிலையில், வி.எஃப்.எல் வொல்வ்ஸ்பேர்க்கின் மைதானத்தில் நடைபெற்ற அவ்வணிக்கும், ஆர்.பி லெய்ப்ஸிக்குமிடையிலான போட்டியானது 2-2 என்ற கோல் கணக்கில் சமநிலையில் முடிவடைந்திருந்தது. லெய்ப்ஸிக் சார்பாக, நொர்டி முகிலே, வில்லி ஓர்பன் ஆகியோர் தலா ஒவ்வ்வொரு கோலைப் பெற்றதோடு, வொல்வ்ஸ்பேர்க் சார்பாக வூட் வெஹொர்ஸ்ட், றெனட்டோ ஸ்டெஃபென் ஆகியோர் தலா ஒவ்வொரு கோலைப் பெற்றனர்.