சா போலோவுக்குத் திரும்பிய ஒஸ்கார்

இங்கிலாந்து பிறீமியர் லீக் கால்பந்தாட்டக் கழகமான செல்சியின் முன்னாள் மத்தியகளவீரரான ஒஸ்கார், தனது இன்னொரு முன்னாள் பிரேஸிலியக் கழகமான சா போலோவுக்கு மூன்றாண்டு ஒப்பந்தமொன்றில் இணைந்துள்ளதாக அக்கழகம் செவ்வாய்க்கிழமை (25) தெரிவித்துள்ளது.

பிரேஸிலுக்காக 2011ஆம் ஆண்டு தொடக்கம் 2016ஆம் ஆண்டு வரையில் 48 போட்டிகளில் விளையாடிய 33வயதான ஒஸ்கார், சீனக் கழகமான ஷங்காய் போர்ட்டுக்காக கடந்த எட்டாண்டுகள் விளையாடியிருந்தார்.