டெஸ்ட் அணித்தலைவராக சப்ராஸ்

பாகிஸ்தான் டெஸ்ட் அணியின் தலைவராக, அவ்வணிக்கு சம்பியன் கிண்ணத்தை வென்றுகொடுத்த சப்ராஸ் அஹமட் நியமிக்கப்பட்டுள்ளார். இதுவரை அணித்தலைவராகக் கடமையாற்றிய மிஸ்பா உல் ஹக், சர்வதேசப் போட்டிகளிலிருந்து ஓய்வுபெற்றுள்ள நிலையில் ஏற்பட்ட வெற்றிடத்துக்கே, சப்ராஸ் அஹமட் நியமிக்கப்பட்டுள்ளார்.

ஏற்கெனவே, ஒருநாள் சர்வதேசப் போட்டிகளிலும் இருபதுக்கு-20 சர்வதேசப் போட்டிகளிலும் அணித் தலைவராகச் செயற்பட்ட அவர், தற்போது 3 வகையான போட்டிகளிலும் அணித்தலைவராகச் செயற்படவுள்ளார்.

3 வகையான போட்டிகளிலும் அணித்தலைவராகச் செயற்படுகின்றமையை, கௌரவம் என்று வர்ணித்த சப்ராஸ், தன் மீது வைக்கப்பட்டுள்ள நம்பிக்கைக்கு நன்றி தெரிவித்தார்.