டொரினோவிடம் தோற்ற நாப்போலி

இத்தாலிய கால்பந்தாட்டக் கழகங்களுக்கிடையிலான சீரி ஏ தொடரில், டொரினோவின் மைதானத்தில் நேற்று முன்தினமிரவு நடைபெற்ற அவ்வணியுடனான போட்டியில் 0-3 என்ற கோல் கணக்கில் நடப்புச் சம்பியன்களான நாப்போலி தோற்றிருந்தது.

டொரினோ சார்பாக, அந்தோனியோ சனப்ரியா, நிகொலா விளாசிச், அலெஸான்ட்ரோ புவொங்ஜியோர்னோ ஆகியோர் தலா ஒவ்வொரு கோலைப் பெற்றனர்.

இந்நிலையில், தமது மைதானத்தில் நேற்று அதிகாலை நடைபெற்ற அத்லாண்டாவுடனான போட்டியை 1-1 என்ற கோல் கணக்கில் றோமா சமப்படுத்தியது. றோமா சார்பாகப் பெறப்பட்ட கோலை போலோ டிபாலா பெற்றதோடு, அத்லாண்டா சார்பாகப் பெறப்பட்ட கோலை டெயும் கூப்மெய்னெர்ஸ் பெற்றிருந்தார்.