டோக்கியோ 2020: இறுதிப் போட்டிக்கு முன்னேறாத ஐ. அமெரிக்கா

ஜப்பானில் நடைபெற்றுவரும் டோக்கியோ 2020 ஒலிம்பிக் போட்டிகளில், பெண்களுக்கான இறுதிப் போட்டிக்கு ஐக்கிய அமெரிக்கா முன்னேறியிருக்கவில்லை.

கனடாவுடனான அரையிறுதிப் போட்டியில் 0-1 என்ற கோல் கணக்கில் ஐ. அமெரிக்கா தோற்றிருந்தது. கனடா சார்பாகப் பெறப்பட்ட கோலை ஜெஸி பிளெமிங்க் பெற்றிருந்தார்.

இதேவேளை, மற்றைய அரையிறுதிப் போட்டியில் அவுஸ்திரேலியாவை 1-0 என்ற கோல் கணக்கில் வென்ற சுவீடன் இறுதிப் போட்டிக்குத் தகுதி பெற்றிருந்தது. சுவீடன் சார்பாகப் பெறப்பட்ட கோலை பிறிடோலினா றொல்ஃபோ பெற்றிருந்தார்.