தலைமைப் பயிற்சியாளர் றோஸை நீக்கிய லெய்ப்ஸிக்

தலைமைப் பயிற்சியாளர் மார்கோ றோஸை ஜேர்மனிய புண்டெலிஸ்கா கால்பந்தாட்டக் கழகமான ஆர்.பி லெய்ஸிக் நீக்கியுள்ளது.

பொரூசியா மொச்சென்கிளெட்பாவுடனான புண்டெலிஸ்கா போட்டியில் 0-1 என்ற கோல் கணக்கில் தோல்வியடைந்ததைத் தொடர்ந்தே றோஸை லெய்ப்ஸிக் நீக்கி இடைக்கால தலைமைப் பயிற்சியாளராக ஸொல்ட் லோவை நியமித்துள்ளது.

இரண்டரையாண்டுகள் லெய்ப்ஸிக்குடனிருந்து புண்டெலிஸ்கா புள்ளிகள் பட்டியலில் லெய்ப்ஸிக் ஆறாமிடத்தில் இருக்கையில் றோஸ் நீக்கப்பட்டுள்ளார்.

இங்கிலாந்து பிறீமியர் லீக் கழகமான செல்சி, இன்னொரு புண்டெலிஸ்கா கழகமான பயேர்ண் மியூனிச், பிரெஞ்சு லீக் 1 கழகமான பரிஸ் ஸா ஜெர்மைனில் தோமஸ் துஷெலின் துணைப் பயிற்சியாளராக லோ பணியாற்றியிருந்தார்.