தென்னாபிரிக்காவிடம் தோற்ற இலங்கை

சர்வதேச கிரிக்கெட் சபையின் இருபதுக்கு – 20 உலகக் கிண்ணத் தொடரில், ஐக்கிய அமெரிக்காவின் நியூ யோர்க்கில் திங்கட்கிழமை (03) நடைபெற்ற தென்னாபிரிக்காவுடனான குழு டி போட்டியில் இலங்கை தோற்றது.

இப்போட்டியின் நாணயச் சுழற்சியில் வென்ற இலங்கையணியின் தலைவர் வனிடு ஹசரங்க தமதணி முதலில் துடுப்பெடுத்தாடும் என அறிவித்தார்.

அந்தவகையில் முதலில் துடுப்பெடுத்தாடிய இலங்கை, அட்னைல் பட்மன், அன்றிச் நொர்கியா (4), கேஷவ் மஹராஜ் (2), ககிஸோ றபாடாவிடம் (2) விக்கெட்டுகளைப் பறிகொடுத்து 19.1 ஓவர்களில் சகல விக்கெட்டுகளையும் இழந்து 77 ஓட்டங்களையே பெற்றது.

பதிலுக்கு 78 ஓட்டங்களை வெற்றியிலக்காகக் கொண்டு துடுப்பெடுத்தாடிய தென்னாபிரிக்கா, நுவான் துஷார, தசுன் ஷானக, ஹசரங்கவிடம் (2) விக்கெட்டுகளைப் பறிகொடுத்தபோதும் 16.2 ஓவர்களில் 4 விக்கெட்டுகளை இழந்த நிலையில் வெற்றியிலக்கையடைந்தது.

இப்போட்டியின் நாயகனாக நொர்கியா தெரிவானார்.