தேசங்களுக்கான லீக்: ஸ்கொட்லாந்திடம் தோற்ற போலந்து

ஐரோப்பிய கால்பந்தாட்டச் சங்கங்களின் ஒன்றியத்தின் தேசங்களுக்கான லீக் தொடரில், போலந்தில் செவ்வாய்க்கிழமை (19) நடைபெற்ற அவ்வணியுடனான குழு ஏ போட்டியில் 2-1 என்ற கோல் கணக்கில் ஸ்கொட்லாந்து வென்றது.

ஸ்கொட்லாந்து சார்பாக ஜோன் மக்கின், அன்றூ றொபெர்ட்சன் ஆகியோர் தலா ஒவ்வொரு கோலைப் பெற்றதோடு போலந்து சார்பாகப் பெறப்பட்ட கோலை கமில் பியட்கொவ்ஸ்கி பெற்றிருந்தார்.

இதேவேளை தம்நாட்டில் நடைபெற்ற போர்த்துக்கல்லுடனான குழு ஏ போட்டியை 1-1 என்ற கோல் கணக்கில் சமப்படுத்திய குரோஷியா காலிறுதிப் போட்டிக்குத் தகுதி பெற்றது. குரோஷியா சார்பாகப் பெறப்பட்ட கோலை ஜொஸ்கோ கவ்ரிகால் பெற்றதோடு, போர்த்துக்கல் சார்பாகப் பெறப்பட்ட கோலை ஜோவா பீலிக்ஸ் பெற்றிருந்தார்.

இதுதவிர சேர்பியாவில் நடைபெற்ற அவ்வணியுடனான குழு டி போட்டியை 0-0 என்ற கோல் கணக்கில் சமப்படுத்திய டென்மார்க்கும் காலிறுதிப் போட்டிக்குத் தகுதி பெற்றது.

இந்நிலையில் தம்நாட்டில் நடைபெற்ற சுவிற்ஸர்லாந்துடனான குழு டி போட்டியில் 3-2 என்ற கோல் கணக்கில் ஸ்பெய்ன் வென்றது.