நெதர்லாந்து – ஸ்கொட்லாந்து போட்டி சமநிலை

போர்த்துக்கல்லில் இன்று அதிகாலை நடைபெற்ற நெதர்லாந்து, ஸ்கொட்லாந்துக்கு இடையிலான சிநேகபூர்வ கால்பந்தாட்டப் போட்டியானது 2-2 என்ற கோல் கணக்கில் சமநிலையில் முடிவடைந்துள்ளது.

நெதர்லாந்து சார்பாகப் பெறப்பட்ட இரண்டு கோல்களையும் மெம்பிஸ் டிபே பெற்றதோடு, ஸ்கொட்லாந்து சார்பாக, ஜக் ஹென்ட்றி, கெவின் நிஸ்பெட் ஆகியோர் தலா ஒவ்வொரு கோலைப் பெற்றனர்.

இதேவேளை, ஜேர்மனி, டென்மார்க்குக்கு இடையிலான சிநேகபூர்வப் போட்டியும் 1-1 என்ற கோல் கணக்கில் சமநிலையில் முடிவடைந்தது. ஜேர்மனி சார்பாகப் பெறப்பட்ட கோலை புளோரியன் நெயுஹோஸ் பெற்றதோடு, டென்மார்க் சார்பாகப் பெறப்பட்ட கோலை யூசுஃப் பெளல்சென் பெற்றிருந்தார்.