பார்சிலோனாவை வீழ்த்திய அத்லெட்டிகோ மட்ரிட்

ஸ்பானியக் கால்பந்தாட்டக் கழகங்களுக்கு இடையிலான லா லிகா தொடரில், நடப்புச் சம்பியன்களான அத்லெட்டிகோ மட்ரிட்டின் மைதானத்தில் இன்று அதிகாலை நடைபெற்ற பார்சிலோனா உடனான போட்டியில் 2-0 என்ற கோல் கணக்கில் அத்லெட்டிகோ வென்றிருந்தது.

அத்லெட்டிகோ சார்பாக, தோமஸ் லெமர், லூயிஸ் சுவாரஸ் ஆகியோர் தலா ஒவ்வொரு கோலைப் பெற்றனர்.

அண்மைக் காலமாக பின்னடைவை பார்சிலோனா சந்தித்து வருகின்ற நிலையில், இப்போட்டி முடிவு எதுவானாலும் பார்சிலோனாவின் முகாமையாளராக றொனால்ட் கூமன் தொடர்வார் என இப்போட்டிக்கு முன்பதாக பார்சிலோனாவின் தலைவர் ஜோன் லபோர்ட்டா தெரிவித்திருந்தார்.