பொரெஸ்டிடம் தோற்ற யுனைட்டெட்

இங்கிலாந்து கால்பந்தாட்டக் கழகங்களுக்கிடையிலான பிறீமியர் லீக் தொடரில், நொட்டிங்ஹாம் பொரெஸ்டின் மைதானத்தில் புதன்கிழமை (02) நடைபெற்ற அவ்வணியுடனான போட்டியில் 0-1 என்ற கோல் கணக்கில் மன்செஸ்டர் யுனைட்டெட் தோற்றது.

பொரெஸ்ட் சார்பாகப் பெறப்பட்ட கோலை யுனைட்டெட்டின் முன்னாள் வீரரான அந்தனி எலங்கா பெற்றிருந்தார்.

பிறீமியர் லீக் புள்ளிகள் பட்டியலில் 70 புள்ளிகளுடன் முதலாமிடத்தில் லிவர்பூல் உள்ளது. 61 புள்ளிகளுடன் இரண்டாமிடத்தில் ஆர்சனலும், 57 புள்ளிகளுடன் மூன்றாமிடத்தில் நொட்டிங்ஹாம் பொரெஸ்டும், 49 புள்ளிகளுடன் நான்காமிடத்தில் செல்சியும் காணப்படுகின்றன. இதில் மற்றைய அணிகளை விட ஆர்சனலும், பொரெஸ்டும் ஒரு போட்டியில் அதிகமாக விளையாடியுள்ளன.