போர்ண்மெத்திடம் தோற்ற ஆர்சனல்

இங்கிலாந்து கால்பந்தாட்டக் கழகங்களுக்கிடையிலான பிறீமியர் லீக் தொடரில், போர்ண்மெத்தின் மைதானத்தில் சனிக்கிழமை (19) நடைபெற்ற அவ்வணியுடனான போட்டியில் 0-2 என்ற கோல் கணக்கில் ஆர்சனல் தோற்றது.

போர்ண்மெத் சார்பாக றயான் கிறிஸ்டி, ஜஸ்டின் கிளைவெட் ஆகியோர் தலா ஒவ்வொரு கோலைப் பெற்றனர்.

ஏற்கெனவே அணித்தலைவர் மார்டின் ஒடெகார்ட், புகாயோ ஸாகாவை உபாதையால் இழந்துள்ள ஆர்சனல், இப்போட்டியின் முதல் பாதியில் பின்களவீரர் வில்லியம் சலிபாவுக்கு சிவப்பு அட்டை காட்டப் பெற்ற நிலையில் எஞ்சிய நேரம் 10 பேருடனே விளையாடியிருந்தது.