போர்த்துக்கல், இங்கிலாந்து வென்றன

சர்வதேச கால்பந்தாட்டச் சம்மேளன 2026 உலகக் கிண்ணத் தொடருக்கான ஐரோப்பிய தகுதிகாண் போட்டிகளில் போர்த்துக்கல், இங்கிலாந்து ஆகியன வென்றுள்ளன.

ஆர்மினியாவில் சனிக்கிழமை (06) நடைபெற்ற அந்நாட்டுடனான போட்டியை 5-0 என்ற கோல் கணக்கில் போர்த்துக்கல் வென்றது.

போர்த்துக்கல் சார்பாக ஜோவா பீலிக்ஸ், கிறிஸ்டியானோ ரொனால்டோ ஆகியோர் தலா இரண்டு கோல்களையும், ஜோவா கான்செலோ ஒரு கோலையும் பெற்றனர்.

இதேவேளை தம்நாட்டில் நடைபெற்ற அன்டோராவுடனான போட்டியில் 2-0 என்ற கோல் கணக்கில் இங்கிலாந்து வென்றது. இங்கிலாந்து சார்பாகப் பெறப்பட்ட ஒரு கோலை டெக்லான் றைஸ் பெற்றதோடு, மற்றைய கோல் ஓவ்ண் கோல் முறையில் பெறப்பட்டிருந்தது.