முதலாமிடத்துக்கு முன்னேறிய சைம் அயூப்

இருபதுக்கு – 20 சர்வதேசப் போட்டிகளுக்கான சகலதுறைவீரர்களுக்கான தரவரிசையில் முதலாமிடத்துக்கு பாகிஸ்தானின் சைம் அயூப் முன்னேறினார்.

ஆசியக் கிண்ணத்தின் பங்களாதேஷுக்கெதிரான சுப்பர் 4 சுற்றுப் போட்டியில் 2 விக்கெட்டுகளைக் கைப்பற்றியமையைத் தொடர்ந்தே, ஐந்தாமிடத்திலிருந்து நான்கு இடங்கள் முன்னேறி முதலாமிடத்தை அயூப் அடைந்துள்ளார்.

முதல் ஐந்து சகலதுறைவீரர்களின் தரவரிசை பின்வருமாறு,

1. சைம் அயூப், 2. ஹர்திக் பாண்டியா, 3. மொஹமட் நபி, 4. டிபேந்திர சிங் ஐரீ, 5. சிகண்டர் ராசா.

இதேவேளை ஆசியக் கிண்ணத்தின் இந்தியாவுக்கெதிரான சுப்பர் 4 சுற்றுப் போட்டியில் 107 ஓட்டங்களைப் பெற்ற இலங்கையின் பதும் நிஸங்க, துடுப்பாட்டவீரர்களுக்கான தரவரிசையில் ஏழாமிடத்திலிருந்து இரண்டு இடங்கள் முன்னேறி ஐந்தாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. அபிஷேக் ஷர்மா, 2. பில் ஸோல்ட், 3. திலக் வர்மா, 4. ஜொஸ் பட்லர், 5. பதும் நிஸங்க, 6. ட்ரெவிஸ் ஹெட், 7. டிம் செய்ஃபேர்ட், 8. சூரியகுமார் யாதவ், 9. குசல் பெரேரா, 10. டிம் டேவிட்.

முதல் 10 பந்துவீச்சாளர்களின் தரவரிசை பின்வருமாறு,

1. வருண் சக்கரவர்த்தி, 2. ஜேக்கப் டஃபி, 3. அடம் ஸாம்பா, 4. அகீல் ஹொஸைன், 5. அடில் ரஷீட், 6. வனிது ஹசரங்க, 7. அப்ரார் அஹ்மட், 8. நுவான் துஷார, 9. ரஷீட் கான், 10. நாதன் எலிஸ்.